Ակրիլային խեժ

Նկարագրություն

Ակրիլային խեժերը սինթետիկ պոլիմերներ են, որոնք ժամանակակից լաքաներկային արդյունաբերության հիմքն են։
Ֆիզիկական հատկություններ
– Թափանցիկ, անգույն կամ թույլ դեղնավուն մածուցիկ հեղուկ (լուծույթների տեսքով) կամ պինդ հատիկներ։
– Ունեն բացառիկ թափանցիկություն և լուսակայունություն (չեն դեղնում արևի տակ)։
– Լինում են ջրալույծ (ակրիլային դիսպերսիաներ) կամ օրգանական լուծիչներում լուծվող (թերմոպլաստիկ ակրիլներ)։
– Տաքացնելիս փափկում են, իսկ սառչելիս՝ պնդանում։
Քիմիական հատկություններ
– Բարձր դիմացկունություն ուլտրամանուշակագույն (ՈՒՄ) ճառագայթների, թթվածնի և խոնավության նկատմամբ։
– Օպտիմալ կպչունություն տարբեր մակերեսների (քար, բետոն, փայտ, մետաղ) հետ։
– Չորանալուց հետո կայուն են թույլ թթուների, հիմքերի և կենցաղային քիմիայի նկատմամբ։
– Ջրային դիսպերսիաները չորանում են ջրի գոլորշիացման և մասնիկների միաձուլման (կոալեսցենցիայի) հաշվին։
Անվտանգության նորմեր
– Օրգանական լուծիչներով ակրիլները շնչելիս կարող են առաջացնել գլխապտույտ։ Ջրային հիմքով ակրիլներն ավելի անվտանգ են, բայց պահանջում են օդափոխություն։
– Խուսափել երկարատև շփումից, քանի որ կարող են առաջացնել ալերգիկ ռեակցիաներ կամ գրգռում։
– Լուծիչներ պարունակող խեժերը դյուրավառ են։ Ջրային դիսպերսիաները հրդեհաանվտանգ են։
– Չի կարելի թափել կոյուղի՝ ջրային միջավայրը չաղտոտելու համար։
Պահպանման պայմաններ
– . Խստիվ արգելվում է սառեցնել ջրային ակրիլային դիսպերսիաները ( +5°C – ից ցածր), քանի որ դրանք դառնում են անպիտան։
– Պահել հերմետիկ փակված պլաստիկե կամ չժանգոտվող տարաներում՝ թաղանթի առաջացումը կանխելու համար։
– Պահել զով, մութ վայրում, հեռու արևի ուղիղ ճառագայթներից։
Կիրառման ոլորտներ
– Լաքաներկային արտադրություն. Ջրային էմուլսիոն ներկեր (ինտերիերի և ֆասադի համար), ակրիլային լաքեր և էմալներ։
– Շինարարություն. Հերմետիկներ, սոսինձներ և հավելումներ բետոնի մեջ՝ ամրությունն ու ջրակայունությունը բարձրացնելու համար։
– Ավտոմեքենաշինություն. Մեքենաների վերջնական լաքապատման և ներկման համար։
– Արվեստ և դեկոր. Ակրիլային ներկեր նկարչության համար և «արհեստական քարի» արտադրություն։