Description
Բութիլգլիկոլը (C6H14O2) բարձր եռման ջերմաստիճան ունեցող օրգանական լուծիչ է, հայտնի է իր «երկակի» բնույթով՝ լավ լուծվում է և՛ ջրում, և՛ յուղերում։
Ֆիզիկական հատկություններ
– Անգույն, թափանցիկ, մի փոքր մածուցիկ (յուղանման) հեղուկ։
– Ունի թույլ, բնորոշ «էթերային» հաճելի հոտ։
– Հիանալի խառնվում է ջրի և օրգանական լուծիչների մեծ մասի հետ։
– Դանդաղ գոլորշիացող լուծիչ է (եռման կետը՝ 171°C), ինչը թույլ է տալիս երկարացնել ներկերի չորացման ժամանակը և բարելավել դրանց տարածվելիությունը։
Քիմիական հատկություններ
– Պարունակում է և՛ եթերային, և՛ սպիրտային (հիդրօքսիլ) խմբեր։
– Քիմիապես կայուն է սովորական պայմաններում, չի ենթարկվում հիդրոլիզի։
– Օդի հետ երկարատև շփումից կարող է առաջացնել պերօքսիդներ (ինչպես բոլոր եթերները)։
– Ուժեղ կլանում է խոնավությունը օդից։
Անվտանգության նորմեր
– Կարող է ներծծվել մաշկի միջոցով։
– Գրգռում է աչքերը և մաշկը։ Աշխատելիս պարտադիր կրել նիտրիլային ձեռնոցներ և պաշտպանիչ ակնոցներ։
– Այրվող հեղուկ է (բռնկման ջերմաստիճանը՝ 67 °C ), բայց ավելի քիչ վտանգավոր է, քան ացետոնը կամ բութիլացետատը։
Պահպանման պայմաններ
– Պահել հերմետիկ փակված պողպատե կամ հատուկ պլաստիկե տարաներում։
– Պահել չոր, զով և լավ օդափոխվող վայրում, հեռու ուժեղ օքսիդիչներից։
– Խուսափել արևի ուղիղ ճառագայթներից՝ պերօքսիդների առաջացումը կանխելու համար։
Կիրառման ոլորտներ
– Լաքաներկային արդյունաբերություն. Կարևորագույն լուծիչ ջրային հիմքով ներկերի համար (որպես կոալեսցենտ), որն օգնում է պոլիմերային մասնիկներին միաձուլվել և ստեղծել ամուր թաղանթ։
– Մաքրող միջոցներ. Բաղադրիչ է ապակիների մաքրման հեղուկների, կենցաղային յուղազերծողների և արդյունաբերական լվացող միջոցների մեջ։
– Տպագրություն. Օգտագործվում է տպագրական ներկերի մածուցիկությունը կարգավորելու համար։
– Նավթարդյունաբերություն. Կիրառվում է որպես հավելում հորատման լուծույթների մեջ՝ յուղերի և ջրի էմուլգացումը բարելավելու համար։
