Описание
Երկաթի քլորիդը հայտնի է իր հզոր կոռոզիոն և մաքրող հատկություններով:
Ֆիզիկական հատկություններ
— Անջուր վիճակում մուգ կանաչավուն– սև բյուրեղներ են, իսկ առավել տարածված բյուրեղահիդրատը ունի դեղնաշագանակագույն տեսք:
— Չափազանց լավ լուծվում է ջրում, սպիրտում և ացետոնում:
— Օդից շատ արագ կլանում է խոնավությունը և վերածվում մածուցիկ հեղուկի (լուծույթի):
— Ունի թույլ քլորի հոտ և սուր մետաղական համ:
Քիմիական հատկություններ
— Ուժեղ թթվի և թույլ հիմքի աղ է: Ջրային լուծույթն ունի խիստ թթվային միջավայր ( pH<2):
– Հանդիսանում է ուժեղ օքսիդիչ, ինչի շնորհիվ հեշտությամբ լուծում է մետաղները (օրինակ՝ պղինձը):
— Ջրում ենթարկվում է ուժեղ հիդրոլիզի՝ առաջացնելով երկաթի հիդրօքսիդի շագանակագույն նստվածք:
— Քայքայում է գրեթե բոլոր մետաղները և նույնիսկ չժանգոտվող պողպատը:
Անվտանգության նորմեր
– Լուծույթը և փոշին առաջացնում են մաշկի և աչքերի գրգռում կամ այրվածքներ: Պարտադիր կրել ձեռնոցներ և ակնոցներ:
— Փոշին շնչելը վնասում է շնչուղիները: Աշխատել լավ օդափոխվող տարածքում:
– Թողնում է դժվար հեռացվող դեղնաշագանակագույն հետքեր հագուստի և մաշկի վրա:
— Ներքին ընդունումը խիստ թունավոր է և կարող է մահացու լինել:
Պահպանման պայմաններ
– Պահել միայն պլաստիկե կամ ապակյա հերմետիկ տարաներում: Չի կարելի պահել մետաղական ամաններում (կլուծի դրանք):
– Պահել զով, չոր վայրում, որպեսզի նյութը չխոնավանա և չվերածվի հեղուկի:
– Հեռու պահել ալկալիներից, օքսիդիչներից և մետաղական փոշիներից:
Կիրառման ոլորտներ
— Էլեկտրոնիկա. Օգտագործվում է պղնձե տպատախտակների փորագրման (etching) համար (լուծում է ավելորդ պղինձը):
— Ջրի մշակում. Հզոր կոագուլյանտ է. կիրառվում է խմելու և կեղտաջրերի մաքրման համար՝ նստեցնելով կախույթային մասնիկները:
— Քիմիական սինթեզ. Որպես կատալիզատոր օրգանական ռեակցիաներում:
— Բժշկություն. Որպես արյունահոսությունը դադարեցնող միջոց (արտաքին կիրառման համար):
